Opplevingar

I strandkanten står badestampen og badstova og ventar på deg! Både sommar som vinter er dette ei oppleving som både får fart på blodsirkulasjonen og gir ro isjela.

Ved stranda ligg grillstova som blir nytta til servering for grupper. Der kan du nyta god, heimelaga mat.

Suldalsvatnet er kjent for storauren. Fisk på 1-3 kg er ganske vanleg, og kvart år blir det fiska fleire aurar på over 5 kg på dorging frå båt. Det er også rikeleg med røyr (røye) i vatnet.

Ein kanotur på vatnet er ei flott naturoppleving! Me har to kanoar til fri disposisjon for gjestene våre.

På hyttetunet er det eit lite hus der dei minste kan kosa seg. I Suldal kallar me slike leikehus for donehus.

Suldal er eit eldorado for den ivrige turgåar med 5 av dei 7 høgaste toppane i Rogaland. Heile året kan du nyta eit rikt nettverk av toppturar, rundturar og meir avslappande ruter for alle nivå og ønskje. Her får du fantastisk utsikt over fjord og fjell som løn for strevet.

Etter ein om lag 20 minutts biltur frå Vikane er du midt i vinterparadiset. I Gullingen-området er det mange kjekke skiopplevingar. Her er det milevis med oppkøyrde og merka skiløyper, lysløypeanlegg, skitrekk og skileik.

Vinteren 2021/2022 laga TV-Haugaland ein serie dei kalla "Matskattar i Suldal". Sjølvaste Ryfylkekokken, Frode Selvaag stod for kokkeringa. Her kan du m.a. sjå ein spennande måte å servera aure på!

‍

På Sand, (23 km frå Vikane) finn du Suldal Bad. Med fleire basseng, badstove, klatrevegg og vass-sklie, er det eit aktivitetsparadis for heile familien.